ლონდონის ”არსენალის” ჰოლანდიელი თავდამსხმელის რობინ ვან პერსის თქმით ის ძალიან ახლოს იყო ”რეინჯერსში” გადასვლასთან:”5 წლის წინ ”ფეინოორდში” ვთამაშობდი, მაგრამ 19 წლის ასაკში მომინდა, რომ ჰოლანდიიდან წავსულიყავი და ძალები სხვა ჩემპიონატში მეცადა. ჩემით გლაზგო ”რეინჯერსი” იყო დაინტერესებული და მეც თითქმის გადაწყვეტილი მქონდა შოტლანდიის პრემიერლიგაში თამაში. ტრანსფერის ალბათობას ისიც ზრდიდა, რომ ”რეინჯერსის” იმდროინდელი მწვრთნელი ჩემი თანამემამულე დიკ ადვოკაატი იყო, მაგრამ საქმეში ბოლოს სულ სხვა ჩაერთო. არსენ ვენგერი და ”არსენალი,” რომელთათვისაც უარის თქმა ჩემი მხრიდან სრული სისულელე იქნებოდა და მეტი არაფერი.” განაცხადა რობინ ვან პერსიმ
